Пишувајте ваши текстови/состави

Се е јасно. Оставете ги овде вашите состави што ги имате пишувано за некои натпревари, писмени работи , сигурно и во некое слободно време имате мислено нешто :Р ...

1. Промени во природата.
2. Колку влијае есента врз нашето расположение.
3. Размислување за есента.

Седам во топлата соба и гледам низ прозорецот. Еден жолт лист се откинува од високата гранка на веќе опожолтеното дрво. На влажната земја ја гледам неговата сенка како мала точка, која се повеќе се зголемува, добива срцевидна форма. И во еден момент листот ја покрива сенката и паѓа на мртвата земја. Сенката исчезнува, листот умира. Сивило го препокрива небото. Дождот ја кваси земјата. Се' е мрачно, успиено, усмртено... Но умира само дел од природата. Заспива само дел од неа, но останува оној невидлив сок кој студи во секое гранче, во секоја грутка земја, оној живоен сок кој ја чини суштината на есента. Ја обојува, ја замрачува, ја чини таинствена и величествена. Секогаш подготвена да не пречека во своите прегратки, секогаш спремна да оддели дел од себе за нашата интима. Ја сакам есента, ја сакам нејзината таинствена атмосфера, ја сакам нејзината натаженост. Толку е прекрасен оној мирис на изгниените лисја, заситен со влага. Се чувствуваш некако посебно. И се' околу тебе те тера да размислуваш. Да ја раскинеш онаа невидлива завеса помеѓу тебе и есента, да навлезеш во неа, да ги дознаеш нејзините тајни