Шенген на 5 години

Македонија во вторник во Брисел ќе ја потпише спогодбата за олеснување
на визниот режим со Европската Унија со што македонските граѓани од 1
Јануари 2008 година полесно ќе можат да вадат повеќекратни подолгорочни
визи за пат во земјите кои се во ЕУ.

Во името на Република Македонија спогодбата ќе ја потпише
министертката за внатрешни работи Гордана Јанкуловска, додека од страна
на ЕУ потпис ќе стават комесарот за слобода, безбедност и правда Франко
Франтини , воедно и министер за внатрешни работи на Португалија, Руи
Переира.

Овој договор предвидува одредени групи граѓани да можат многу
полесно, со поднесување малку документи да вадат визи за престој во
земјите од Шенген зоната.

Според договорот, одредени групи граѓани ќе можат да добијат и визи
со важност од пет години што досега не било случај. Туку припаѓаат
членови на делегации, блиски роднини на граѓани од ЕУ, стопанственици,
новинари и претставници на верските заедници.



За различни категории граѓаните е предвидено да добиваат и визи за
повеќекратен влез со важност до една година, како и визи со рок на
важност од две до најмалку 5(пет) години за оние граѓани кои имале
едногодишна виза и правилно ја користеле. Во договорот влегува и низа
категории граѓани кои ќе добиваат бесплатни визи, како децата до шест
години, ученици, студенти, наставнци, инвалиди и сл.

Покрај олеснувањето на визниот режин, Македонија ќе го потпише и
договорот за реадмисија со кој преземаме обврска да ги примиме сите
македонски граѓани кои престојуваат во ЕУ без дозвола.

http://strumica.bloger.com.mk